Iam est probatum in praecedentibus quod elementa ad generata corruptibilia sunt quattuor et non plura. Et, quando considerator cogitaverit, inveniet quod plantae et animalia, in terra generata, ex terra et aqua et aere nutriuntur, et completur eorum actualitas per caliditatem digerentem. Nam terra facit acquirere generato retentionem et observat observationem illius quod ex factione et figuratione acquisivit. Et aqua facit acquirere generato facilitatem recipiendi figurationem. Et retinetur substantia aquae, cum sit fluida, propter admixtionem terrae, et retinetur substantia terrae a comminutione propter commixtionem aquae. Et aer et ignis frangunt elementalitatem istorum duorum et faciunt eis acquirere aequalitatem mixtionis; et aer aperit et facit meatus et poros, et ignis digerit, decoquit et aggregat.

Back to Introduction

Back to Excerpt