Oculus igitur habet tres tunicas seu panniculos et tres humores et unam telam ad modum tele araneae. Et prima tunica eius fit ex tunica nervi interiori que venit a pia matre secundum omnes auctores. Et expanditur ab extremitate nervi ubi ingreditur foramen ossis, et ramificatur ad modum retis concavi in prima parte sui. Que ideo vocatur rete vel retina, secundum Avicennam tertio Libro medicine et secundum Constantinum [Constantinus Africanus, De oculis], habens venas et arterias et nervos subtiles. Deinde pars eius secunda est spissior, ut dicit Avicenna, et expanditur sperice usque ad anterius oculi, habens foramen in medio sui anterioris partis, ut species lucis et coloris et ceterorum visibilium valeant pertransire per medium oculi usque ad nervum qui venit a cerebro.

Back to Introduction

Back to Excerpt