Excerpted from Quaestiones de animalibus 12, q. 16, OO 12: 234

It must be said that the brain is cold because of the temperament of the heart. For in the heart heat is overabundant, and life requires a temperament in that in which it is, and therefore nature has ordained some organ, in which there is an overabundance of cold, by which the heat of the heart is regulated, so that an intermediate condition is caused.

original latin

Et ideo natura ordinavit cerebrum ex opposito cordi, ut mutuo se temperent. Et ordinavit cerebrum supra cor, quia motus calidi est a centro ad circumferentiam et motus frigidi a circumferentia ad centrum.

Et ideo cor est in medio, ut calorem influat ad partes circumferentiales et maxime ad superius; sed cerebrum est in parte superiori, ut motum suum influat a circumferentia ad centrum et maxime ad inferius.

Unde si cor esset supra et cerebrum infra, unum non influeret alteri, quia cerebrum moveret ad infra, ubi cor non esset, et cor supra, ubi cerebrum non esset, et ita nullum alteri obviaret influendo. Ideo natura docta oboedire creatori suo, provida et sagax, sic ordinavit, ut unum aliud iuvaret etc.

Signum autem frigiditatis cerebri est operatio eius. Nam cum vapores proveniunt ad cerebrum, ingrossantur et frequenter ultra debitum, et tunc causatur catarrhus secundum Philosophum propter frigiditatem cerebri, sicut in maiori mundo ex magna condensatione vaporum per frigus medii interstitii a???is causatur pluvia. Et propter hoc magnitudo cerebri est causa somnolentiae, et haec non provenit nisi ex eius frigiditate, per quam ingrossantur vapores.