Excerpted from De proprietatibus rerum 18.9

The asp is a serpent who is very dangerous because of its bite and venom. It is called 'asp' from 'splashing' (aspergendo), since it injects its deadly venom with its jaws, also splashing it on. The Greeks call its venom ios, as Isidore says [Etymologies 12.4]. Next he says that there are various species of asps, and they have different ways of doing harm.

Original Latin

Scilicet dipsas, qui Latine situla dicitur, quia quem momorderit, siti interimit et occidit. Hypalis est genus aspidis, qui somno necat, hunc Cleopatra sibi apposuit, et ita morte quasi somno resoluta est...

Item seps est mortiferus aspis et tabificus, qui cum hominem momorderit statim eum destruit et consumit, ita ut morsu serpentis totaliter liquefiat, nec solum corpus, sed etiam ossa veneno dissipat et enervat, cuius Poeta [Lucan, Pharsalia 9] sic meminit:

Ossaque dissolvens cum corpore tabificus seps.

ut dicit idem [Isidore, Etymologies 12.4].

De aspide etiam in genere dicit Isidorus, libro duodecimo [Etymologies, 12.4]: fertur, inquit, quod aspis cum coeperit pati incantatorem, qui eam quibusdam carminibus propriis evocat, ut eam de caverna producat, illa cum exire noluerit unam aurem in terram praemit, alteram vero cauda obturat et operi, et sic illas voces magicas non audiens ad incantatorem non exit et eius imperio non oboedit.

Sed contra eius malitiam natura dedit remedium et medelam, hebetem enim dedit ei natura visum, nam oculos habet in temporibus, et non in fronte, et ideo non potest videre adversarium directe sed oblique, propter quod non potest bene persequi hostem visu, sed potius auditu persequitur vel olfactu, nam in his duobus sensibus magis videt, ut dicit idem [Pliny, Natural History, 8.39].

Hoc expresse dicit Plinius libro octavo capite ultimo [Natural History, 8.93], dicit enim sicut quaedam animalia indigenis sunt innoxia qua interimunt alienos, sic serpentes parcunt mirifice illis, qui de terra oriuntur. Sic angues circa Euphratem terrae incolas non laedunt, nec infestant dormientes, alios autem cuiuscunque gentis homines cruciant eos avide occidentes. Dicit etiam ibidem Plinius [Natural History, 8.93] quod Aristoteles tradit in quodam monte a scorpionibus hospites non laedi, sed indigenas interimi et occidi.