Unusquisque liber homo agistet boscum suum in foresta pro voluntate sua et habeat pannagium suum. Concedimus etiam quod unusquisque liber homo possit ducere porcos suos per dominicum boscum nostrum, libere et sine impedimento, ad agistandum eos in boscis suis propriis, vel alibi ubi voluerit. Et si porci alicuius liberi hominis una nocte pernoctaverint in foresta nostra, non inde occasionetur ita quod aliquid de suo perdat.

Novit itaque paternitas vestra quod dominum Robertum Passelewe, iustitiarium forestse domini regis, (ex cuius iustitiariae officio inquirit iudicialiter de furto venationis et viridis in foresta regis, et inventos huiusmodi crimine denotatos capi facit et incarcerari, et sententialiter punit non solum laicos sed et clericos, et alia exercet tali officio pertinentia) praesentatum nobis ad ecclesiam beati Petri Northamptoniae, saepe a nobis commonitum ut a talis officii functione cessaret, nostris monitis obtemperare nolentem, ad dictam ecclesiam, propter praedictam sibi illicitam functionem et alias quamplures causas, admittere recusavimus: in quo facto, nullo modo, ut credimus, debemus de negligentia argui, sed magis ex diligentia pastoralis officii laudari.

Back to Introduction

Back to Excerpt