Ignis aliquando zelum Dei exprimit, aliquando Spiritum Sanctum, aliquando caritatem, aliquando cupiditatem, aliquando malitiam, aliquando intellectum, aliquando tribulationem, aliquando iram, aliquando voluptatem. Zelum Dei notat cum dicitur: Deus ignis consumens est [Dt. 4: 24, Hebr.12: 29]; Spiritum Sanctum cum dicitur Deus5 in igneis linguis super apostolos descendisse, ubi eos luce sapientiae illustravit. Caritatem signat, ut est illud in Evangelio: Ignem veni mittere in terram, et quid volo nisi ut ardeat [Lc 12: 49]. Cupiditatem, ut in Exodo [35:3]: Non succendetis ignem in omnibus habitaculis vestris per diem sabbati, hoc est ignem cupiditatis in cordibus humanis sive in conventiculis universis vetat ascendere. Malitiam signat per incurvationem cordis ad inferiora, de quo igne dicitur: Ignis adversarium consumet. Sicut enim ignis amoris mentem erigit, ita ignis malitiae mentem involvit.

Back to Introduction

Back to Excerpt