His verbis crederet mulier, quando iam inerat menti amor ille propriae potestatis, et quaedam superba praesumptio quae per illam temptationem fuerat convincenda et humilianda. Ecce videtur quod antequam ipsa credidit et consensit serpenti, erat in ipsa elatio et superbia. Et hoc bene videtur rationale, scilicet quod superbia fuit primum peccatum; est enim ipsa radix omnis peccati.